मातृका यादव, संयोजक, नेकपा माओवादी
जनमोर्चा नेपाल र रिभलुसनरीस“गको एकीकरण प्रक्रिया कहाँसम्म पुग्यो ?
जनमोर्चा नेपालसँग पार्टी एकता समायोजन समिति बनेको छ । बैठकहरु गर्दै स–साना कुराहरुलाई टुंगो लगाउँदै एकता गर्ने छौ । केही समय लाग्ने छ ।
एकीकरण कुन आधारमा ह“ुदैछ ?
मालेमावादको आधारमा हुँदैछ । हाम्रो सैद्धान्तिक आधार भनेको माक्र्सवाद, लेलिनवाद र माओवाद नै हो ।
एकीकृत नेकपा माओवादीलाई चुनौती दिन र उनको पार्टीलाई विखण्डन गर्न तपाइँको पार्टीले एकीकरणहरु गर्दै गरेको सुनिन्छ नी ?
हामीले कुनै पार्टीलाई टक्कर दिन वा विखण्डन गर्नकालागि एकता गर्न खोजेको होइन । एमाओवादी आफैं समाप्त हुने दिशातिर लागेको छ । उहाँहरुलाई हामी विखण्डन गर्न किन लाग्नु ? उहाँहरुले नै माक्र्सदेखि माओसम्मका सिद्धान्तहरु हामीलाई पढाउँदाखेरी, जब क्रान्तिकारी पार्टीमा संशोधनवाद हावी हुन्छ त्यसको पतनको सुरुवात त्यहीँबाट नै हुन्छ भन्नु हुन्थ्यो । अहिले उहाँहरु नै यस्तो अवस्थामा हुनुहुन्छ । हामीले क्रान्तिकारीहरुको बीचमा एकता गरेका हांै । यहाँका प्रतिक्रियावादीहरुलाई ध्वस्त नगरिकन नेपाली जनताले मुक्ति पाउने छैनन् । अहिले हाम्रो राष्ट्र नै खतरामा परेको छ । अहिलेको अवस्थामा मानिसलाई नेपाली भन्न पनि लाज लागेको छ । जनतालाई मुक्ति दिलाउनको लागि, स्वाभिमान रक्षाका लागि बिचार मिल्नेहरुसँग एकता गर्न लागेका हौं ।
तपाइ“को भनाई अनुसार एकीकृत नेकपा माओवादी पतनको बाटोमा जा“दैछ ?
संशोधनबादबाट फर्केन भने, क्रान्तिकारी दिशा लिएन भने पतन निश्चित नै हुन्छ । पार्टी ठूलो देखिएपनि यस्तो पार्टी जनताको लागि पार्टी हुँदैन । राजनीतिक बिचारबाट टाढिएका कांग्रेस, एमाले पार्टी होइनन् । यिनीहरु देश र जनताबाट पदच्युत पार्टी हो, त्यहीबाटोमा एनेकपा माओवादी पनि जाँदैछ ।
सरकार डामाडोल भएको अवस्थामा पार्टी एकीकरणको कुरा सुनियो नी ?
हाम्रो एकीकरणको कुरा सुरुदेखि नै चलेको छ । भरत दाहाल जी पनि विर्सजनबादी, उदारवादीहरुको बीचमा जुन एकता भयो, अर्थात एमाओवादी बन्यो, त्यसको विरोध उहाँहरुले गर्नु भएको हो । हामीपनि गएनौ नेकपा माओवादीलाई नै पुनर्गठन गर्ने अभियानमा लाग्यौ । उहाँहरुपनि जनमोर्चा नेपालाई पुनर्गठन गर्न लाग्नु भयो । लगभग एक डेढ बर्षदेखि नै हामीबीचमा कुराकानी भइरहेको थियो । एक डेढ बर्षको छलफलबाट पार्टी एकता, संयोजन समिति गठन गरेका छांै ।
खासमा एकीकरण किन आवश्यक प¥यो ?
अहिले जनता नेतृत्व विहिन भएको छ । जनतामा अन्यौलता, नैराश्यता छाउन थालेको छ । त्यसलाई चिर्नुपर्ने अहिलेको आवश्यकता हो र इमानदार क्रान्तिकारीहरु त्यसकोलागि जुटनु पर्छ भन्ने मान्यता अनुसार हामीले एकताको प्रक्रिया थालनी गरेका हाँै ।
अहिलेको प्रधानमन्त्री निर्वाचनलाई तपाई कुन रुपमा लिनु भएको छ ?
यो सत्ता दलाल, सामन्तवाद र नोकरशाहीको सत्ता हो । उत्पीडित वर्गबीचमा जुन अन्तरबिरोध छ, त्यो अन्तरविरोध हल हुने स्थिति छैन । अहिलेको स्थितिको बारेमा भन्नु पर्दा प्रतिक्रियाबादीहरु हिजोको जस्तो जनतामाथि हुकुम चलाउने स्थितिमा छैनन् । जनता पनि सचेत छन् । अहिलेको सत्ता तरलतामा छ । जनयुद्धले यसलाई उथलपुथल पारिदिएको छ । विभिन्न आन्दोलनहरुले यसलाई एकदमै कमजोर बनाइदिएको छ । यसलाई ठोस गर्नकालागि प्रतिक्रियाबादीहरु लागि परेका छन् । त्यसकारण यो तरलतामा यस्तै भइरहेको छ ।
प्रधामन्त्री निर्वाचनको टुंगो नलाग्नुको कारण के होला ?
विदेशीको इशारामा चल्ने नेपाली काँग्रेस र विदेशीको दलाली गर्न खोज्ने तर गर्न नपाउने विश्वास गुमाएका एमाओवादीहरुको बीचमा टकरावको अवस्था छ । भारतीय शासकहरु नेपालमा हस्तक्षेप गरिरहेका छन्, तिनीहरुलाई एक नम्बरी दलाल, पक्का दलाल चाहिएको छ । तर पक्का दलाल नेपाली काँग्रेस हो, एमाले त जसको पनि दलाली गर्ने चरित्रको छ । त्यस भित्रबाट पक्का दलाल कुन हो भारतीयहरुले खोजेको हो । त्यो पक्का दलाल नपाएर यो स्थिति भएको हो ।
यसमा एमाओवादी पनि सामेल छ नी ?
ए माओवादीसँग पनि भारतीय शासकहरुले कुरा गरेका छन् तर त्यो देखावटी मात्र थियो । भारतीय शासकहरु विशेष मधेशवादी दलहरुलाई एकदम टाइट गरेर गएको छ । जबसम्म एमालेको निर्णय काँग्रेसलाई भोट दिने आउँदैन तबसम्म तिमीहरु तटस्थ बस भनेर भनेका छन् । मधेशवादी दलहरु भित्रपनि सब सभासदहरु भारतको दलाली गर्ने खालका छैनन् तर त्यसका नेताहरु बढी दलाली गरिरहेका छन् । भारतीय शासकहरुले मधेशी सभासदहरुलाई दलाल बनाउन खोज्दा त्यसको रियाक्सनमा ११ जना मधेशी सभासदहरुले भोट खसालेका थिए । यस अर्थमा सभासदहरु दलाल होईन कि अधिकांश मधेशी नेताहरु दलाली गरिरहेका छन् ।
छैठौं निर्वाचनमा मधेशी जनअधिकार फोरम नेपालले माओवादीको पक्षमा मतदान गरेको थियो । यस अर्थमा मधेशी जनअधिकार फोरम भारतीयको दलाल होइन ?
भारतमा पनि विभिन्न लविहरु छन् । तर भारतमा जुन लवि चलिरहेको छ त्यससँग उपेन्द्रको राम्रो सम्बन्ध छैन ।
सात–सात पटकसम्म हारेका प्रचण्डलाई तपाई“ कुन रुपमा लिनु हुन्छ ?
अहिलेकोलाई हार–जीत भन्न मिल्दैन । हार जीतको बारेमा मिडियाले पनि गलत व्याख्या गरिरहेका छन् । जबसम्म चुनावमा सबैले मत हाल्दैनन् र छिनोफानो हुँदैन तबसम्म हार जीत भन्न मिल्दैन । चुनावमा दुई जना उमेदवार हुन्छ दुबै जना कहीँ हार्छ र ? यस्ता प्रक्रिया पूरा गर्न नसकेको, संविधानसभा फेल भएको हो । संविधानसभाले प्रधानमन्त्री निर्वाचन गर्न नसकेको हो ।
यसमा असक्षम को ?
यसमा पुरै संविधानसभा नै असक्षम हो । संविधानसभाभित्र पर्ने सभामुखदेखि सम्पूर्ण सभासदसम्म असक्षम हुन् ।
कुनै अवस्थामा प्रधानमन्त्री निर्वाचन सम्पन्न भयो भने ?
निर्वाचान सम्पन्न भएर सरकार बनेपनि त्यसले देश लुट्न र विदेशीको दलाली गर्न बाहेक अरु केही गर्दैन ।
हालै माओवादीले सभासदहरुलाई किन्न चीनस“ग ५० करोड मागेको कुरा सार्वजनिक भएको छ नी, यसलाई कुन रुपमा लिनु हुन्छ ?
मलाई आश्र्चाय लाग्छ, यस्तो कुरा नेपाली मिडियाले नल्याएर भारतीय मिडियाले ल्याएको छ । यसलाई सबै स्तरबाट छानविन हुनुपर्छ । यसमा जो दोषी छ उसलाई नङ्ग्याएर कारवाही गर्नुपर्छ । होइन भने प्रचार गर्नेलाई पनि कारवाही गर्नु पर्छ । मैले यसको बारेमा अहिलेसम्म कुनै ठोस प्रमाण देखिको छैन । मैले सुनेको भए महराजीको आवाज म पनि पहिचान गर्न सक्थेँ । तर मैले लिखित मात्र पढ्न पाएको छु । अहिले त विभिन्न सभासदहरुको बारेमा नानाथरी कुराहरु पनि सुन्न पाइन्छ ।
यी सभासदहरुलाई कुन रुपमा लिनु हुन्छ त ?
एउटा कुरा भन्ने हो भने चुनावबाट विभिन्न किसिमका मान्छेहरु आएका छन् । धेरैले जनतालाई न्याय दिलाउन आएको होइन । आतंक थियो आतंकबाट मुक्ति पाइन्छ की भनेर जनताले कयौलाई पठाएको छ । अहिलेका सभासदहरुको विभिन्न क्याटोगोरी छ । यिनीहरुको मुल्यांकन जनताले गर्ने हो । जनतामा हामीले त्यो चेतना जगाउनु पर्छ की अहिलेको एक पटक जितेर गएपछि जे पनि गर्न पाउने व्यवस्था छ त्यसलाई अन्त्य गर्नुपर्छ । गडबड गर्ने वितिकै जनताले बोलाई हाल्नु पर्छ र त्यो फिर्ता जानुपर्छ । यस्तो मान्यता लागू भयो भने यिनीहरु कम छाडा हुने छन् ।
प्रसंग बदलौ, केही दिन पहिले तपाइँको पार्टी नेकपा माओवादीले मधेशका विभिन्न सशस्त्र भुमिगत संगठनहरुस“ग एकताको कुरा गर्दै थियो नी ?
हामीले एकताको कुरा गरेको होइन, हामीले छलफल गरेको हो । उनीहरुको लाइन ठिक नभएको हामी भनिरहेका छौ । सशस्त्र समूहको नाउँमा जनता आक्रान्त भएका छन् । उनीहरुले सशस्त्र संघर्ष गर्ने योद्धा होइनन्, सशस्त्र समूह मात्र हुन् । अधिकारको लागि जनयुद्ध हुनु पर्ने, जनयुद्ध भएकै छैन । अहिलेपनि ती समूहरुसँग हामी छलफलको प्रक्रियामा छौ । ती समुहहरुमा खासै संघर्षता र एकता देखिएन । लुट्ने, खाने, सम्पत्ति जम्मा गर्ने ती कुराहरु उनीहरुमा हावी भएको छ । हाम्रो जनयुद्धमा पनि गडवड हुन्थ्यो तर कहीलेकाही मात्र । तर, उनीहरुको मूल प्रवृती नै जनतालाई लुट्ने खाने, मोजमस्ति गर्ने खालको देखियो । त्यसमापनि केही राजनीतिक चरित्रका नेताहरु सहमत भएका छन् की गडवड भएको हो । आत्म निर्णयको अधिकारसहितको स्वायत्त शासनसम्मको लागि हामी एकतावद्ध भएर बढौँ । अहिले अलग मधेश बन्ने स्थिति छैन ।
सुनिन्छ मातृका यादवले उच्छृङ्खल तत्वहरुलाई संरक्षण दिन्छ रे ?
हामीले कहीँ कुनै पनि उच्छृङ्खल तत्वलाई संरक्षण दिएका छैनौ । हामी जस्तो टाइट त कुनै पार्टीमा छैन । हाम्रो अप्रमाणित कुराहरुलाई पनि मिडियाहरुले ठूलो अक्षरमा छाप्छन् । तर हाम्रा राम्रा चिजहरु छाप्दैनन् । हाम्रो कार्यकर्ताले गडवड गरेको थाहा पाउने वितिकै कारवाही गरेका छौ । कति ठाउँमा त पार्टीबाट निश्कासन गरिदिएका छौ ।
त्यसो भए तपाईंको पार्टीका कार्यकर्ताहरुले कालोमोसो दल्ने परम्परालाई उजागर गरेको छ नी ?
त्यो उच्छृङ्खलता होइन, त्यो न्यायपूर्ण संघर्ष हो । ती चोर फटाहालाई कसले पिट्दैन ? देश लुट्नेलाई फुलमाला लगाउने ? त्यो त फटहाहरुको काम हो फूलमाला लगाई दिने । क्रान्तिकारीहरुको काम हो, त्यस्तोलाई कालोमोसो लगाई दिने, जनतामा नङ्गयाई दिने, उनीहरुलाई बाजा बजाएर जनताको बीचमा घुमाउने । त्यसलाई उच्छृङ्खल भन्न मिल्दैन ।
तपाँइको पार्टी भुमिगत हुने कुरा थियो नी, सा“चिकै भुमिगत हुने हो ?
भुमिगत हुने नहुने कुरा संघर्षको तत्कालिन अवस्थामा निर्भर गर्छ । हामीसबै किसिमले तयार छौ । जनताको लागि हामीले जे–जे गर्नु पर्छ त्यो सबको लागि हामी तयार छौ । सशस्त्र संघर्षको तयारी हुँदैछौ, सरकारले बन्दुक नै लिएर दमन गर्न आयो भने हामी त्यसको लागि तयार हुनु पर्छ ।
No comments:
Post a Comment